Munting Amerika ni Juan

ni Tumaghoy

Hinangad umaklas sa hirap ng buhay
Kaya't iyong tiniis sa mga mahal ay mawalay
Upang dumako sa kanluran at doo'y buto ay binanat
Nagbabakasakali dasal sa poo'y masibat

Sa dakong iyon na ang tawag ay Amerika
Nasilayang buhay kasaganahan na sandamaka
Sa kalooban at isipa'y 'sing tumbas na nangarap
Nawa'y pamilya'y mabigyan ng buhay Amerika na masarap

Dolyares, bag ng tsokolate, psps at i-pod
Lahat ng naisin at uso'y sa mga kaanak ay napalipad
Ngunit ang mga ito'y di katimbang ng Amerikang kinatatapakan
Kaya't niluhod at kinayod ang pamilyang makapangibang-bayan

Malaking bahay na may apat na maluluwang na silid
Garahe na may kotseng Ford na nakaparada sa may gilid
Bawat anak tiyak mong may kinabukasan na mapipisil
Kaya't di masisi mga kalahi ni jua'y nilisan ang Pinas- lupa ng Ipil